24 ოქტომბერს იტალიაში სტარტი აიღო მსოფლიო სენიორთა ჩემპიონატმა 50+ და 65+ ასაკის მოჭადრაკეთა შორის. ჩემპიონატზე მონაწილეობს 280-მდე მოჭადრაკე. მათ შორისაა მსოფლიო ხუთგზის ჩემპიონი ნონა გაფრინდაშვილი, საერთაშორისო დიდოსტატი ზურაბ სტურუა და საერთაშორისო ოსტატი სოფიკო ტერელაძე.

14 - 27 ოქტომბერს ეგვიპტეში გაიმართება მსოფლიო კადეტთა ჩემპიონატი 8, 10 და 12 წლამდე ჭაბუკთა და გოგონათა შორის. ჩემპიონატში მონაწილეობს 66 ქვეყნის 501 მოჭადრაკე, მათ შორის 6 ქართველი. ჩემპიონატი იმართება შვეიცარიული სისტემით 11 ტურად.

12 - 21 ოქტომბერს თბილისის ნონა გაფრინდაშვილის სახელობის ჭადრაკის სასახლეში გაიმართება ღია საჭადრაკო ტურნირები "ჩემპიონთა თასი", რომელიც ტარდება 2 სხვადასხვა კატეგორიაში, A და B ღია ტურნირად. ღონისძიების საპრიზო ფონდი შეადგენს 22 000 ლარს.

2023 წლის 8 ოქტომბერს, 12:00 საათზე თბილისის ნონა გაფრინდაშვილის სახელობის ჭადრაკის სასახლეში ჩატარდება მწვრთნელთა სალიცენზიო გამოცდები C კატეგორიის მისანიჭებლად, ხოლო 7 ოქტომბერს 15:00 საათზე კი მსაჯთა სალიცენზიო გამოცდები ეროვნული არბიტრის წოდებაზე.

28 სექტემბერს 16:00 საათზე თბილისის ჭადრაკის სასახლეში იმართება ქალთა ტურნირი ელვისებურ ჭადრაკში - ნინო ხურციძის თასი. ტურნირი ტარდება შვეიცარიული სისტემით 9 ტურად და საპრიზო ფონდი შეადგენს 3500 ლარს.

20 სექტემბერს მექსიკაში სტარტი აიღო მსოფლიო ჩემპიონატმა 20 წლამდე ჭაბუკთა და გოგონათა შორის. ჩემპიონატზე მონაწილეობს 51 ქვეყნის 150 მოჭადრაკე, მათ შორის ნიკოლოზ კაჭარავა. ტურნირი იმართება შვეიცარიული სისტემით 11 ტურად და დასრულდება 1 ოქტომბერს

23 - 30 სექტემბერს თბილისის ნონა გაფრინდაშვილის სახელობის ჭადრაკის სასახლეში იმართება ცნობილი ქართველი მწვრთნელის ალექსანდრე ბოკუჩავას თასის გათამაშება 16 წლამდე ჭაბუკთა და გოგონათა შორის. ტურნირი იმართება შვეიცარიული სისტემით 7 ტურად და მისი საპრიზო ფონდი შეადგენს 1800 ლარს.

საქართველოს ქალთა ნაკრებმა მსოფლიო ჩემპიონის ტიტული მოიპოვა! 5 - 12 სექტემბერს პოლონეთში გაიმართა მსოფლიოს ქალთა გუნდური ჩემპიონატი ჭადრაკში. ჩემპიონატში მონაწილეობდა მსოფლიოს საუკეთესო 12 გუნდი. საქართველოს ნაკრებმა შემდეგი შემადგენლობით იასპარეზა: ბელა ხოტენაშვილი, მერი არაბიძე, ნინო ბაციაშვილი, ლელა ჯავახიშვილი და სალომე მელია.

საქართველოს ჭადრაკის ფედერაციის „ნიჭიერთა საჭადრაკო სკოლა“ იწვევს 5 – 6 წლის გოგონებს.

- პირველ ეტაპზე სკოლაში ჩაირიცხებიან 2017, 2018 წელს დაბადებული გოგონები;

- სასწავლო პროცესს თანამედროვე მეთოდოლოგიით გაუძღვებიან მაღალკვალიფიციური პედაგოგები;

- მოსწავლეთა მიღება მოხდება გასაუბრების საფუძველზე;

- თითოეული ჯგუფი დაკომპლექტდება 4–6 მოსწავლით;

- მეცადინეობა გაიმართება კვირაში 3–ჯერ;ხანგრძლივობა - 90 წუთი;

- რეგისტრაცია იწარმოებს 20 აგვისტოდან – 20 სექტემბრის ჩათვლით;

- მოსწავლეთა ტესტირება გაიმართება  21 – 26 სექტემბერს;

- სწავლა დაიწყება 1 ოქტომბერს;

- სწავლის საფასური თვეში – 150 ლარი;

- სასწავლო პროცესი წარიმართება ეტაპობრივი სისტემით; ყოველ მომდევნო ეტაპზე გადასასვლელად სამ თვეში ერთხელ ჩატარდება ტესტირება;

- სწავლებას მუდმივ მონიტორინგს გაუწევს სკოლის ადმინისტრაცია;

- მისამართი: თბილისი, ნონა გაფრინდაშვილის სახელობის ჭადრაკის სასახლე, ვერის ბაღი, კოსტავას 29.

- საკონტაქტო ინფორმაცია: სოფიო გვეტაძე 555 114-353; დათო კოდუა 593 399-264. 

4 - 15 სექტემბერს მამაიაში (რუმინეთი) გაიმართა ევროპის ახალგაზრდული ჩემპიონატი 8, 10, 12, 14, 16, 18 წლამდე ჭაბუკთა და გოგონათა შორის. ჩემპიონატზე წარმატებით იასპარეზეს ქართველმა მოჭადრაკეებმა. 14 წლამდე გოგონათა შორის ოქროს მედალი მოიპოვა კესარია მგელაძემ