საერთაშორისო ონლაინ პლატფორმა tornelo.com - ზე 18 - 24 სექტემბერს იმართება თბილისის ონლაინ ჩემპიონატი 8 წლამდე ჭაბუკთა და გოგონათა შორის. ჩემპიონატში მონაწილეობს 19 ჭაბუკი და 12 გოგონა. ტურნირი ტარდება შვეიცარიული სისტემით 7 ტურად. საპრიზო ადგილებზე გასული მოჭადრაკეები დაჯილდოვდებიან დიპლომებითა და მედლებით, ხოლო პირველ ადგილზე გასულ ჭაბუკს და გოგონას ასევე გადაეცემა თასები. ყოველდღიურად ტარდება 1 ტური და თითოეული მოჭადრაკეს აქვს 25 წუთი პარტიის ბოლომდე ყოველ სვლაზე 5 წამის დამატებით.