14 - 25 აგვსიტოს თბილისში იმართება 2024-25 წლის, მსოფლიო ქალთა გრან პრის გათამაშების პირველი ეტაპი. გრან-პრის გათამაშება ჭადრაკში ქალთა შორის — ეს არის ტურნირების სერია მსოფლიოს 20 უძლიერეს მოჭადრაკე ქალთა შორის და ქალთა ჭადრაკში ყველაზე მნიშვნელოვან ასპარეზობად ითვლება. გრან-პრის სერია ორი წელი გრძელდება და მის ფარგლებში ექვსი ტურნირი ტარდება თითოეულში 10 მოჭადრაკის მონაწილეობით. სერიის ყველა მონაწილე ვალდებულია 3 მათგანში მიიღოს მონაწილეობა, მონაწილეებს ქულები ეწერებათ დაკავებული ადგილების მიხედვით. დაგროვილ ქულათა საერთო ჯამით ორი საუკეთესო მოჭადრაკე მოიპოვებს მონაწილეობის უფლებას 2026 წელს დაგეგმილ ფიდეს კანდიდატთა ტურნირში ქალთა შორის,სადაც გამარჯვებული მსოფლიო ჩემპიონთან თამაშის უფლებას მოიპოვებს. ტურნირში 10 მოჭადრაკე ითამაშებს და მათ შორის ორი ქართველი მონაწილე იქნება: ნანა ძაგნიძე და ლელა ჯავახიშვილი. მათ გარდა თბილისში იასპარეზებენ: ანა და მარიამ მუზიჩუკები (უკრაინა), სარასადატ ხადემალშარიეჰი (ესპანეთი), ალეკსანდრა კოსტენიუკი (შვეიცარია), რამეშბაბუ ვაიშალი (ინდოეთი), ალინა კაშლინსკაია (პოლონეთი, ბიბისარა ასაუბაიევა (ყაზახეთი) და სტავრულა ცოლაკიდუ (საბერძნეთი).