საერთაშორისო ონლაინ ფლატფორმა tornelo.com -ზე 2-11 ივნისს გაიმართება საქართველოს ონლაინ ჩემპიონატი 10 და 16 წლამდე ჭაბუკთა და გოგონათა შორის. ჩემპიონატში I ადგილზე გასული მოჭადრაკეები მოიპოვებენ რაპიდში ფიდეს ონლაინ თასის გათამაშებაში მონაწილეობის უფლებას, ხოლო II ადგილზე გასული მოჭადრაკეები კი ევროპის ონლაინ ჩემპიონატში მონაწილეობის უფლებას.  I-III ადგილებზე გასულ მოჭადრაკეებს გადაეცემათ ელექტრონული დიპლომები და ფასიანი ვაუჩერები. ჩემპიონატი ტარდება შვეიცარიული სისტემით 9 ტურად. ჩემპიონატის მსვლელობას დააკვირდება სამართლიანი თამაშის წესების დაცვის კომისია.