ლატვიის ჭადრაკის ფედერაციის ორგანიზებით და ფიდეს მხარდაჭერით 23-24 ივლისს იმართება ბავშვთა საერთაშორისო ონლაინ საჭადრაკო ფესტივალი "Rudaga - Kaissa 2021 Online". ფესტივალი ტარდება 12 და 16 წლამდე ასაკის ჭაბუკთა და გოგონათა შორის. ტურნირები იმართება 2 ეტაპად: საკვალიფიკაციო ეტაპი და ფინალური ეტაპი. საკვალიფიკაციო ეტაპი ჩატარდება შვეიცარიული სისტემით 11 ტურად. ორივე ეტაპის ტურნირი გაიმართება შემდეგი დროის კონტროლით - 5 წუთი პარტიის ბოლომდე, ყოველ სვლაზე 3 წამის დამატებით. ფესტივალი ჩატარდება საერთაშორისო ონლაინ პლატფორმა chess.com -ზე.