13 - 15 დეკემბერს საქართველოს ჭადრაკის ფედერაციის ორგანიზებით ბათუმში გაიმართა ჭადრაკის მწვრთნელთა მეორე ეროვნული ფორუმი. ღონისძიებაში მონაწილეობდა საქართველოს ყველა რეგიონის 130-მდე მწვრთნელი.

ღონისძიების ცენტრალური ნაწილი დაეთმო ფედერაციის მიერ ბავშვთა ჭადრაკში დანერგილ ინოვაციურ სასწავლო პროგრამას ‘საფეხურები’.

განიხილებოდა:

• საფეხურების I-II-III ტომის ძირითადი ასპექტები

• პროგრამის განვითარება და განხორციელების ეტაპები

• ბოლო ერთი წლის განმავლობაში შესრულებული სამუშაოები

• გამოვლენილი გამოწვევები და მათი გადაჭრის გზები

• მიღებული შედეგები და საერთაშორისო სტანდარტებთან შესაბამისობა

მთავარი მომხსენებლები

• ნატალია ეძგვერაძე — პროგრამა “საფეხურების” მთავარი მენტორი

• დიანა დარჩია — პროგრამა “საფეხურების” მენტორი

• ხვიჩა ბახტაძე — პროგრამა “საფეხურების” მენტორი

სპეციალური სტუმარი

• სერგეი ტივიაკოვი (ნიდერლანდები) - ფიდე სენიორ მწვრთნელი

ტივიაკოვმა ისაუბრა:

• ბავშვთა ჭადრაკში მიმდინარე თანამედროვე ტენდენციებსა და გლობალურ გამოწვევებზე

• მაღალი პოტენციალის მქონე ბავშვებთან მუშაობის ეფექტურ მეთოდებზე

• წარმატებული და სტაბილური შედეგების მიღწევის პრაქტიკულ გამოცდილებაზე