ნანა ძაგნიძემ წარმატებით იასპარეზა
ნანა ძაგნიძემ წარმატებით იასპარეზა უზბეკეთის ქალაქ ბუხარაში გამართულ ქალთა ძლიერ საერთაშორისო დახურულ ტურნირზე – “IV International Women’s Chess Championship Uzbekistan”. ტურნირი წრიული სისტემით, 9 ტურად გაიმართა და მასში 8 ქვეყნის 10 უძლიერესი მოჭადრაკე მონაწილეობდა. საქართველოს წარმომადგენელმა ნანა ძაგნიძემ შეჯიბრი მარცხის გარეშე ჩაატარა: 3 პარტიაში გაიმარჯვა, 6 პარტია ყაიმით დაასრულა. საბოლოოდ ნანამ 6 ქულით მეორე ადგილი დაიკავა და საკუთარ რეიტინგს 9 ქულა შემატა!
ვულოცავთ ნანას, წარმატებულ ასპარეზობას და ვუსურვებთ წარმატებებს მომდევნო ტურნირებზე!