ევროპის ვაჟთა ჩემპიონატი
6 – 20 აპრილს პოლონეთის ქალაქ კატოვიცეში იმართება ევროპის ვაჟთა ინდივიდუალური ჩემპიონატი, სადაც 43 ქვეყნის 501 მოჭადრაკე მონაწილეობს. ტურნირი იმართება შვეიცარიული სისტემით 11 ტურად. I–XXIII ადგილებზე გასული მონაწილეები მსოფლიო თასის საგზურს მოიპოვებენ. ჩემპიონატის საპრიზო ფონდი 100 000 ევროს შეადგენს.
საქართველოს სახელით ასპარეზობენ:
ნიკოლოზ პეტრიაშვილი (2518), ნიკოლოზ კაჭარავა (2500), ლუკა პაიჭაძე (2490), გიგა ყუფარაძე (2484), ლევან ფანცულაია (2472), ნოე თუთისანი (2454), თორნიკე სანიკიძე (2432), ირაკლი ახვლედიანი (2429), გიორგი სიბაშვილი (2405), ლუკა კილაძე (2380), აკაკი ყალიჩავა (2322), გიგა გოდერძიშვილი (2261).