26 მაისს ქ. თბილისის სასტუმრო "ბილთმროში" გაიმართება საქართველოს დამოუკიდებლობის დღისადმი მიძღვნილი ვარსკვლავთა ღია და ქალთა ტურნირები ელვისებურ ჭადრაკში. ტურნირში მონაწილეობას მიიღებენ საერთაშორისო დიდოსტატები და ოსტატები.

27 მაისს თბილისის ჭადრაკის დედოფლის აკადემიაში სტარტს აიღებს საქართველოს სენიორთა ჩემპიონატი. როგორც ღია, ასევე ქალთა ტურნირში I ადგილზე გასული მოჭადრაკეები მოიპოვებენ მსოფლიოს სენიორთა ჩემპიონატის საგზურს. ჩემპიონატი იმართება შვეიცარიული სისტემით 7 ტურად და დასრულდება 3 ივნისს.

26-27 აპრილს ქუთაისში და 3 მაისს ბათუმში, საქართველოს ჭადრაკის ფედერაციის ინიციატივით, პროექტის — ‘საფეხურების’ სასწავლო მეთოდიკის დანერგვის ფარგლებში, გაიმართა რეგიონული კონფერენციები იმერეთის რეგიონის და აჭარის ავტონომიური რესპუბლიკის წარმომადგენელი ჭადრაკის მწვრთნელებისთვის

5 - 16 მაისს ავსტრიაში იმართება 2024-25 წლის, მსოფლიო ქალთა გრან პრის გათამაშების მე-6 ეტაპი. გრან-პრის გათამაშება ჭადრაკში ქალთა შორის — ეს არის ტურნირების სერია მსოფლიოს 20 უძლიერეს მოჭადრაკე ქალთა შორის და ქალთა ჭადრაკში ყველაზე მნიშვნელოვან ასპარეზობად ითვლება.

5 - 14 მაისს ბათუმში გაიმართება საქართველოს ჩემპიონატი 8, 10, 12, 14, 16 და 18 წლამდე ჭაბუკთა და გოგონათა შორის. ჩემპიონატი იმართება შვეიცარიული სისტემით 9 ტურად. I-II ადგილებზე გასული მოჭადრაკეები მოიპოვებენ მსოფლიოსა და ევროპის ჩემპიონატების საგზურს.

13 - 24 აპრილს ინდოეთში იმართება 2024-25 წლის, მსოფლიო ქალთა გრან პრის გათამაშების მეხუთე ეტაპი. გრან-პრის გათამაშება ჭადრაკში ქალთა შორის — ეს არის ტურნირების სერია მსოფლიოს 20 უძლიერეს მოჭადრაკე ქალთა შორის და ქალთა ჭადრაკში ყველაზე მნიშვნელოვან ასპარეზობად ითვლება.

30 მარტიდან 11 აპრილამდე საბერძნეთში იმართება ევროპის ქალთა 25-ე ჩემპიონატი ჭადრაკში. ჩემპიონატში მონაწილეობს 34 ქვეყნის 136 მოჭადრაკე, მათ შორის 10 ქართველი. ჩემპიონატი ტარდება შვეიცარიული სისტემით 11 ტურად და საპრიზო ფონდი შეადგენდა 60 000 ევროს.

19 - 23 მარტს თბილისის ჭადრაკის დედოფლის აკადემიაში გაიმართება საქართველოს ჩემპიონატის აღმოსავლეთ ზონის ტურნირები 8 და 12 წლამდე ჭაბუკთა და გოგონათა შორის. ხოლო 10 წლამდე მოჭადრაკეთა შორის გაიმართება 2 - 6 აპრილს ასევე თბილისის ჭადრაკის დედოფლის აკადემიაში.

19 - 29 მარტს სერბეთში იმართება მსოფლიო სასკოლო ჩემპიონატი 7 - 17 წლის ჭაბუკთა და გოგონათა შორის. ჩემპიონატზე ასპარეზობს 43 ქვეყნის 470 მოჭადრაკე, მათ შორის 9 ქართველი. ჩემპიონატი იმართება შვეიცარიული სისტემით 9 ტურად.

14 - 27 მარტს რუმინეთში იმართება ევროპის ინდივიდუალური ჩემპიონატი ვაჟთა შორის. ჩემპიონატი ტარდება შვეიცარიული სისტემით 11 ტურად და საპრიზო ფონდი შეადგენს 92 000 ევროს. ჩემპიონატში მონაწილეობს 40 ქვეყნის 377 მოჭადრაკე. მათ შორის 6 საქართველოს წარმომადგენელი.