ქალაქ გურჯაანს კახეთის 8 მუნიციპალიტეტებიდან მოწვეული 13 მწვრთნელი ესტუმრა — საქართველოს ჭადრაკის ფედერაციის ორგანიზებულ რეგიონულ კონფერენციაში მონაწილეობის მისაღებად, რომელიც სრულად დაეთმო ინოვაციურ სასწავლო მოდელს „საფეხურები“.
„საფეხურები“ — არა მხოლოდ მეთოდიკა, არამედ სისტემური ხედვაა, რომელიც მიზნად ისახავს ჭადრაკის სწავლების ხარისხის გაუმჯობესებას, თანამედროვე, მრავალდონიანი მიდგომების დანერგვით.
კონფერენცია გახდა პროფესიული დიალოგის, გამოცდილების გაზიარებისა და თანამშრომლობის მნიშვნელოვანი პლატფორმა, სადაც მთავარი აქცენტი გაკეთდა ბავშვთა ჭადრაკის განათლების გაძლიერებაზე.
პროგრამა მწვრთნელებს სთავაზობს პროფესიული განვითარების ახალ შესაძლებლობებს, რაც ნათლად გამოჩნდა მათი მოტივაციისა და ჩართულობის დონეზე.
კონფერენციის ბოლოს მონაწილეებს გადაეცათ სერტიფიკატები, რომლებიც წარმოადგენს პროფესიული ლიცენზირების პროცესის მნიშვნელოვან ეტაპს და საშუალებას მისცემს მწვრთნელებს — „საფეხურების“ მოდელის საფუძველზე განახორციელონ სტრუქტურირებული და ხარისხიანი სასწავლო პროცესები.