ახალი სასწავლო მეთოდიკის დანერგვა აჭარაში
2025 წლის 3 მაისს, ბათუმში, საქართველოს ჭადრაკის ფედერაციის ინიციატივით, პროექტის — ‘საფეხურების’ სასწავლო მეთოდიკის დანერგვის ფარგლებში, გაიმართა რეგიონული კონფერენცია აჭარის ავტონომიური რესპუბლიკის წარმომადგენელი ჭადრაკის მწვრთნელებისთვის. კონფერენციაში მონაწილეობა მიიღო 21-მა მწვრთნელმა შემდეგი მუნიციპალიტეტებიდან: ბათუმი, ქობულეთი, ხულო, შუახევი, ქედა და ხელვაჩაური. კონფერენციის დასრულების შემდეგ, მონაწილე მწვრთნელებს ხარისხის სერთიფიკატები გადაეცათ, რაც მათ დაეხმარებათ ახალი სასწავლო მეთოდიკის ‘საფეხურების’ ლიცენზიის აღებაში.
‘საფეხურების’ მეთოდიკა წარმოადგენს ქართულ ჭადრაკში სისტემური რეფორმის ნაწილს და მიზნად ისახავს ახალი, წარმატებული თაობის აღზრდას.