9 - 12 სექტემბერს ქალაქ ქუთაისში გაიმართება საქართველოს ჩემპიონატი სწრაფ და ელვისებურ ჭადრაკში 8, 10, 12, 14, 16 და 18 წლამდე ჭაბუკთა და გოგონათა შორის. ჩემპიონატი როგორც სწრაფ, ასევე ელვისებურ ჭადრაკში ტარდება შვეიცარიული სისტემით 9 ტურად.

21 - 31 აგვისტოს ჩეხეთში იმართება ევროპის ახალგაზრდული ჩემპიონატი 8, 10, 12, 14, 16 და 18 წლამდე ჭაბუკთა და გოგონათა შორის. ჩემპიონატში მონაწილეობს 47 ქვეყნის 1231 მოჭადრაკე, მათ შორის 25 ქართველი. ჩემპიონატი იმართება შვეიცარიული სისტემით 9 ტურად.

14 - 25 აგვსიტოს თბილისში იმართება 2024-25 წლის, მსოფლიო ქალთა გრან პრის გათამაშების პირველი ეტაპი. გრან-პრის გათამაშება ჭადრაკში ქალთა შორის — ეს არის ტურნირების სერია მსოფლიოს 20 უძლიერეს მოჭადრაკე ქალთა შორის და ქალთა ჭადრაკში ყველაზე მნიშვნელოვან ასპარეზობად ითვლება.

15 - 24 ივლისს ფოთში გაიმართება ტრადიციული ფოთის XVII საერთაშორისო საჭადრაკო ფესტივალი "ნანა ალექსანდრიას თასი -2024". ფესტივალის საპრიზო ფონდი შეადგენს 60 000 ლარს. ფესტივალის ორგანიზატორები და ფინანსური მხარდამჭერებია: ფოთის მუნიციპალიტეტის მერია, საქართველოს ჭადრაკის ფედერაცია, ფოთის საჭადრაკო კლუბი "ნანა".

5 - 14 ივლისს ბათუმში იმართება მე-8 საერთაშორისო საჭადრაკო ფესტივალი "ბათუმის მერიის თასი-2024". ფესტივალში მონაწილეობს 20 ქვეყნის 422 მოჭადრაკე. ფესტივალის საპრიზო ფონდია 52 070 ლარი. ფესტივალის პროგრამით ტარდება 10 სხვადასხვა ტურნირი.

22 ივნისს ბათუმში სტარტი აიღო ფიდეს 100 წლის იუბილისადმი მიძღვნილმა მსოფლიო თასის გათამაშებამ 8, 10 და 12 წლამდე ჭაბუკთა და გოგონათა შორის. ტურნირში მონაწილეობს 40-მდე ქვეყნის 288 მოჭადრაკე. ტურნირი 3 ივლისს დასრულდება.

16 - 17 ივნისს თბილისის ნონა გაფრინდაშვილის ჭადრაკის სასახლეში გაიმართა ტიგრან პეტროსიანის მემორიალი ჭადრაკში. ტურნირი გაიმართა შვეიცარული სისტემით 7 ტურად 8, 10 და 12 წლამდე ჭაბუკთა და გოგონათა შორის და მისი საპრიზო ფონდი 3 000 ლარს შეადგენდა.

12 - 23 ივნისს სენტ-ლუისში იმართება ქალთა საერთაშორისო ტურნირი, რომელშიც მონაწილეობს მსოფლიოს უძლიერესი 10 მოჭადრაკე. მათ შორის საქართველოს ქალთა ნაკრები ლიდერი ნანა ძაგნიძე. ტურნირი იმართება წრიული სისტემით 9 ტურად და საპრიზო ფონდი შეადგენს 200 000 აშშ დოლარს.

3 - 10 ივნისს თბილისის ნონა გაფრინდაშვილის სახელობის ჭადრაკის სასახლეში გაიმართება საქართველოს ჩემპიონატი 1900 და 1500 - მდე რეიტინგ კატეგორიებში. ჩემპიონატის იმართება შვეიცარიული სისტემით 9 ტურად. ჩემპიონატის საპრიზო ფონდი შეადგენს 3500 ლარს.

9 - 10 ივნისს თბილისის ნონა გაფრინდაშვილის სახელობის ჭადრაკის სასახლეში გაიმართება საკვალიფიკაციო ტურნირი II, III, IV და V თანრიგზე. ტურნირში მონაწილეობა შეუძლია საქართველოს ჭადრაკის ფედერაციის ნებისმიერი ასაკის წევრს.