დასრულდა ფოთის XIX საერთაშორისო საჭადრაკო ფესტივალი!
11–20 ივლისს ფოთი კიდევ ერთხელ იქცა საერთაშორისო ჭადრაკის ცენტრად და წარმატებით უმასპინძლა XIX საერთაშორისო საჭადრაკო ფესტივალს ’ნანა ალექსანდრიას თასი -2026’.
წლევანდელი ფესტივალი ისტორიული აღმოჩნდა – შეჯიბრში 10 ქვეყნის 530-მდე მოჭადრაკე მონაწილეობდა, რაც ფესტივალის არსებობის ისტორიაში ყველაზე მაღალი მაჩვენებელია. სხვადასხვა ტურნირებში ერთმანეთს საერთაშორისო დიდოსტატები, საერთაშორისო ოსტატები და ყველა ასაკობრივი კატეგორიის მოჭადრაკეები დაუპირისპირდნენ.
ფესტივალის პროგრამა 18 ტურნირს აერთიანებდა, მათ შორის ღია საერთაშორისო შეჯიბრებებს, ასაკობრივ ტურნირებს, საოჯახო ჩემპიონატებს, სწრაფ, ელვისებურ და ფიშერის ჭადრაკის შეჯიბრებებს. საერთო საპრიზო ფონდი 65 000 ლარს შეადგენდა.
გამარჯვებულები ქალაქ ფოთის მერმა ბექა ვაჭარაძემ დააჯილდოვა.
ფესტივალი გაიმართა ქალაქ ფოთის მუნიციპალიტეტის მერიისა და საქართველოს ჭადრაკის ფედერაციის მხარდაჭერით. ორგანიზატორი იყო ფოთის საჭადრაკო კლუბი ‘ნანა’.
ვულოცავთ ყველა გამარჯვებულსა და მონაწილეს წარმატებულ ასპარეზობას და მადლობას ვუხდით ორგანიზატორებს, მხარდამჭერებსა და პარტნიორებს კიდევ ერთი მაღალი დონის საერთაშორისო საჭადრაკო დღესასწაულისთვის!